Дар доираи сафари кории раиси Вилояти Мухтори Кӯҳистони Бадахшон Мирзонабот Алишер Худоберди ба ноҳияи Рӯшон, нимаи дуюми 29 августи соли равон дар толори мақомоти иҷроияи ҳокимияти давлатӣ мулоқоти раиси вилоят бо сокинони ноҳия доир гардид.

Раиси вилоят Мирзонабот Алишер Худоберди сокинони ноҳияро бо 34 – солагии Истиқлоли давлатӣ табрик гуфтанд.

Зикр шуд, ки маҳз бо шарофати Истиқлоли давлатӣ ва ба арсаи сиёсат омадани Пешвои муаззами миллат муҳтарам Эмомалӣ Раҳмон, Тоҷикистон дар тамоми ҷодаҳо рушди бесобиқа намуда, имрӯз ба давлати пешрафтаю тараққарда табдил ёфтааст.

Дар заминаи дастгириҳои Ҳукумати мамлакат, хоса Пешвои муаззами миллат муҳтарам Эмомалӣ Раҳмон Вилояти Мухтори Кӯҳистони Бадахшон низ рушд намуд.

Танҳо дар се соли охир, дар доираи эълони марҳилаи нави рушди ВМКБ, дар соҳаҳои иқтисодию иҷтимоии шаҳру ноҳияҳои вилоят пешравиҳои назаррас рӯи кор омада, иншооти таъиноти гуногун мавриди баҳрабардорӣ қарор дода шуданд.

Раиси вилоят аз дастовардҳои соҳаҳои маориф, тандурустӣ, энергетика, саноат ёдоварӣ намуд, зикр кард, ки ҷавобан ба ҳамаи ғамхориҳо хурду бузурги вилоят бояд дар корҳои ободонию созандагӣ ҳиссагузорӣ намоянд.

Дар идомаи мулоқот, сокинони ноҳия зимни баромад миннатдории самимонаи худро ба Ҳукумати Ҷумҳурии Тоҷикистон, шахсан Пешвои муаззами миллат муҳтарам Эмомалӣ баён намуданд.