Баъди ба вуқӯъ пайвастани ҳодисаи нохуши ба хоки муққадаси Ҷумҳурии Тоҷикистон аз тариқи шикастани марзи Ватан гузаштани гурӯҳи муссалаҳи террористӣ мо дар Мактаб-интернати ҷумҳуриявӣ ҷамъ омада, ин амали  гурӯҳи мусаллаҳи террористиро, ки гумоштагони ДОИШ ҳастанд, сахт маъкум кардем. Пас аз ҷамъомади эҳтирозии аҳли педагогӣ ва кормандони хоҷагии муассиса бо хонандагони мактаб низ чунин чорабинӣ доир шуд.

Ҳамзамон таъкид шуд, ки дар сурати пайдо шудани шахсони бегона ва шубҳанок дар ҳудуди ноҳия фавран ба мақомоти дахлдор хабар дода мешавад. Дар ҳар ду ҷамъомад қайд шуд, ки хатти марзи Ватан аз дили ҳар яки мо мегузарад. Агар марзи Ватан дарҷ ёбад, дили мо низ ду ним мегардад. Мо намегузорем зиндагии шоистаю осудаи мо ноором ва ваҳдати комилу истиқлолияти давлатии дар баҳои ҷон ба дастовардаамон осонакак аз даст равад.

Бо таъкиди Раиси Кумитаи Иҷроияи ҲХДТ дар ВМКБ Ҷонибеки Қозибек дар конфренсияи  15-уми ҳисоботӣ – интихоботии кумита (31.10 2019) қайд шуд, ки дар таълимгоҳҳои вилоят гурӯҳи «Муҳофизони ҷавони марз» аз ҳисоби хонандагони синфҳои болоӣ таъсис дода мешавад. Ин иқдом ҷолиби қабул буд ва мо аллакай аз пайи иҷрои он ҳастем.

Мо ҳамеша, дар ҳар нафас пайрави Пешвои миллат, Асосгузори сулҳу ваҳдати миллӣ, Президенти мамлакат, Раиси муаззами Хизби Халқии Демократии Тоҷикистон муҳтарам Эмомалӣ Раҳмон ҳастем ва то охирин нафас дар қавли худ матину устувор мемонем.

Муҳтарам, Раиси Кумитаи ҳизби вилоятӣ қайд доштанд, ки мо бояд ҳамеша зиракии сиёсиро аз даст надиҳем ва шоҳбати ҷаҳонбаҳои Ҳаким Фирдавсиро барои вакилону даъватшудагон чу шиори амал бурҳон кард:

                                 Ҳама тан ба тан сар ба кӯштан диҳем,

                                Аз он беҳ, ки кишвар ба душман диҳем!

                                                                                            Л.Чоршанбиева,

                                                                                директори Мактаб-интернати

                                                                                  ҷумҳуриявии ноҳияи Рӯшон