Санаи 29 ноябри соли равон Раиси вилояти Мухтори Кӯҳистони Бадахшон Мирзонабот Алишер Худобердӣ дар ноҳияи Рушон бо лоиҳаи азнавсозии майдони варзишӣ дар назди Муассисаи таҳсилоти миёнаи умумии рақами 9 шинос гардид. Ба раиси вилоят иттилоъ дода шуд, ки азнавсозии майдони мазкур бо ташаббуси Мақомоти иҷроияи ҳокимияти давлатӣ дар ҳамкорӣ бо ҷавонони ноҳия роҳандозӣ гардида, дар майдон бароии футбол, волейбол ва баскетбол шароит фароҳам оварда мешавад.

Раиси вилоят аз ин иқдоми нек изҳори сипос намуда, таъкид дошт, ки мақомоти иҷроияи ҳокимияти давлатии ВМКБ низ дар азнавсозии ин варзишгоҳ саҳми худро мегузорад. Дар суҳбат бо сокинон раиси вилоят иброз намуд, ки сохта ба истифода додани майдонҳои муосири варзишӣ тақозои замон буда, Ҳукумати мамлакат пайваста ба ин қишри ҷомеа ва муҳайё намудани шароитҳои замонавӣ дар самти варзиш барои ҷавонон чораҳои зарурӣ андешида то ҷашни бузурги миллӣ 35-умин солгарди Истиқлоли давлатӣ дар вилоят даҳҳо иншоотҳои варзишӣ сохта мавриди истифода қарор дода мешаванд.
Вале ҳар як иншооти варзишӣ бояд самаранок истифода бурда шавад.

Дар ҷавоб ба чунин ғамхориҳои ва дастгириҳои рӯзафзуни Роҳбари давлат муҳтарам Эмомалӣ Раҳмон мо низ кӯшиш намоем ба Ватани худ содиқона хизмат кунем.