Даври вилоятии “Фурӯғи субҳи доноӣ китоб аст” ҷамъбаст гардид
Дар даври вилоятии озмуни “Фурӯғи субҳи доноӣ китоб аст” аз ноҳияи Рӯшон 42 нафар довталаб роҳхат пайдо карданд ва маҳорати худро дар сатҳи вилоят санҷида баромаданд. Натиҷаи даври вилоятӣ нишон дод, ки 10 тан намояндаи ноҳияи Рӯшон дар даври вилоятии озмуни мазкур ғолибиятро ба даст оварданд, ки ин натиҷаи хеле хуб аст. Аз рӯйи номинатсияии адабиёти кӯдакон ва наврасон ва осори шифоӣ Алидӯстова Наргис ҳамшираи шафқат аз Ҷамоати деҳоти Бартанг соҳиби ҷойи 1, Шаҳбозова Рухшона омӯзгори МТМУ № 7 соҳиби ҷойи 2, Шукрихудоева Адиба хонандаи синфи 6 МТМУ № 30 ( аз синфи 5 то 11) соҳиби ҷойи 3 ва Абдулмаинова Меҳрона хонандаи синфи 3 МТМУ № 9 ( синфи аз 1 то 4) ҷойи дуввумро соҳиб гаштанд.
Аз рӯйи номинатсияи адабиёти классикӣ Нодирбекова Фарзона мураббии маркази рушди барвақтии кӯдаки МТМУ 35 ˗и Ҷамоати Савноб соҳиби ҷойи 1 ва Шозедова Зуҳро хонандаи синфи саввуми мактаб ˗ интернати ҷумҳуриявӣ ( аз синфи 1 то 4) сазовори ҷойи 2 гардиданд.
Аз рӯйи номинатсияи адабиёти муоссир Фурқати Азимшо хонандаи синфи 8 МТМУ № 24 соҳиби ҷойи 2 ва Ғуломасейнова Улфатмо китобдори Ҷамоати Бартанг соҳиби ҷойи 2 шуданд.
Аз рӯйи номинатсияи назму наср Пайшаев Равшанбек омӯзгори мактаб ˗ интернати ҷумҳуриявӣ соҳиби ҷойи 1 гардид.
Ғолибони даври вилоятӣ ба даври ҷумҳуриявӣ роҳхат пайдо карда, ноҳияи Рӯшонро дар ин озмуни бонуфуз дар шаҳри Душанбе намояндагӣ хоҳанд кард. Мо барои ғолибони номбурда тавфиқу барор мехоҳем.